Kagaya sana ng iyo. Itong aking araw,
kung paano pinakalas ang boca de agua
Upang tastasin ang kapok sa puno, ipaanod
sa pwersa, ihain sa estero ang mapagpanggap:
Ulap daw, kesyo niyebe, luoy na crema de
usok, o pisat na nata sa agos ng aspalto.
Habang nauupos ang pahinga,
kinapanayam ko ang bato,
"ano bang kinakain mo't pagkahaba-haba ng
Iyong buhay?" Makatitig naman sa akin.
Alam nito kung saan ka nakatira.
Walang komento:
Mag-post ng isang Komento