pagdating ng araw

ni Beth Bachmann
aking salin

Kapag namatay ang araw, may walong minuto pa tayo ng liwanag sa daigdig, nga lang, hindi pa natin alam na ‘yun na ang ating huling walong minuto.

Isa itong birong kinikilalang cosmic.

Isipin lang natin ang lahat ng tao, bawat isa’y pinagdibuho ng araw.

Pinakasimpleng pagsimula at pagtapos ay sa pamamaraan ng isang bilog, pero may magdaragdag ng rayos, mga pakpak o isang mukha.

Walang dudang tumutugon ang araw na tulad ng gong.