dalawang beses sa isang araw.
“Ano ‘yun? Tsamba.”
Sige, pero hindi mo maikakala:
may mga taong nagmamadaling magligpit.
May mga taong kulang na lang ay magtirik pa ng kandila.
Ikaw? Okey, kukuha ka lang ng ilang litrato.
May susulpot na alaala sa kurdon, lapis,
masetera, o hibla ng buhok na iuuwi
o itatapon. Hindi magmumula sa amin
ang makapagpapabagal o makapagpapabilis
sa iyong huling pagkakalas.
·
Ngiti at kibit-balikat
ang iyong sagot sa “saan ka?”
Ika’y kikilos, at kikilos din ang araw.
Sa iyong pag-alis, kamay ng orasan sa aspalto
ang iyong anino. Tsamba ang saglit
kung kailan natutukoy nito—
kay lamlam na guhit
—ang eksakto mong patutunguhan.
Walang komento:
Mag-post ng isang Komento