Kahit pa rito, sa kutson ng mga silya ng oposisyon
klaro sa lahat na magsasalita ang pinuno
Paano tayo tututol nang ayos sa tsipipay na saplot
pansinin ang mga espasyo sa pagitan ng mga sequin
hindi ba't maihahambing sa hininga
Ng dalubhasa sa sayaw, chairman, at maalam umawit
(nang sabay) pulido, sukat ang pagkakalapat
Hindi bulagsak na dugo sa paligid ng gagong amok
o tubig ng nerbiyosong bumbero. Paanong naipuslit
sa magalang na talastasan ang bumbero
Samantalang balita sa radyo ang palakpakang panggayak
sa isa't kalahating oras ng piyok. Piyok
O iyak? Arsonista raw ang kabuuang hubog nitong henerasyon, mga
scavenger ng relief goods. Hinihika ang iyong kapanalig.
Kung ikaw mismo ang kasama, ilayo mo kaya sa tubig.
Walang komento:
Mag-post ng isang Komento