Sa sandaling hindi nakitagay

Angas pips, lalong-lalo na kay Tasna Chucks, pasensya at nahirapan akong mamentena ang koneksyon ko mundo ng ating mahusay na kahibangan. Salamat sa "heads up!" Nate. Ang katotohanan, may mga panahong ayaw kumonekta sa e-mail dito sa internetan. Isang beses na nga lang kada linggo ako mag-internet e. Sira rin ang yunit sa Makati. Wala naman sa oras at konsiderasyon ko'ng lumipat pa ng internetan. Yoko nga. Mabait ang mag-asawang nagpapatakbo rito. Masyado na tumaas ang aking ekspektasyon sa alaga ng nagpapa-internet na baka makipag-away ako sa ibang internetan kung di sila makapantay. Maarte kasi at needy sa kalinga. Kaya heto, bukod sa nabitawan ko kayo at hindi ko man lang nailibot si Tasna sa LB, naiakyat ng bundok, nahanapan ng mug, at napakinabangan sana sa mga workshop dito (haha, kala mo walang bayad yung mug ha?), di ko rin matatapos ang aking MA ngayon. Nagkandabuhol-buhol ang attachment sa impyerno ng mga mailer-daemon at maling akala.

Di ko pa kayo nakasama sa gabi ng angasan.

Yoko na. Sana nariyan ako ngayon sa piling ninyo. Kung hindi lang ako banidoso (isang pagkabanidosong kamukha ng 'lahat' ni Shakespeare), ma-pride (parang Satanas ni Milton) at di makapapayag mang-iwan sa ere (parang tenga ni Dumbo), matagal na akong lumipad palayo at nagpakalunod sa ating isang baso.