ni Dorianne Laux
aking salin
Sana puwede kong sabihing ako ang tipo ng bata
na tutunghayan ang buwan mula sa kaniyang bintana,
susundan ito, at magtataka.
Hindi ako nagtataka. Nagbabasa ako. Madidilim na senyas
na nangangagsigapangan tungo sa bingit ng pahina.
Nakailang taon din ako bago tubuan ng puso
mula sa papel at pandikit. Lahat na sa akin
ang lente, kasingliwanag ng buwan,
isang butas na nagliliyab sa ilalim ng kumot.
Walang komento:
Mag-post ng isang Komento