Dis 31, 2020
Daang Baligtad
ni Harryette Mullen
aking salin
kasunod ni Richard Wilbur
Ang kabaligtaran ng maglakad?
Isang manghuhulang may bolang kristal
at mga barahang tarot
na berde ang nakikita
nang basahin ang palad mo.
Sa senyal ng pulang palad
hindi ako naglalakad
kundi tumatakbo.
Dis 24, 2020
End-a-thon
“We fear with more muck (and other dark fuel playing her first bronze descriptors) than others. This prom a nursing home in the Animal” by Radio intimacy.
Her current muddy waters these blooms form their duty “without ache, and mosaic to new heights in her violence,” they said in the letter.
Effect, a “participatory faith in our hands.”
Dis 20, 2020
Pananaginip sa Gobernador at Mayor na Lumulubog sa Ilog
ni Ariel Francisco
aking salin
Siguro’y pinag-ugpong sa bukungbukong,
ng isang bloke ng kongkreto, parang mga buntot
ng Pisces. Sige, hayaan silang yumapos
sa Ilog Silangan nang magkasama,
umagang-umaga, upang pagpalain sila
sa wakas ng liwanag ng panibagong araw
na kay gandang sumisikat nang wala sila.
Dis 8, 2020
Dis 7, 2020
Mula sa “Magnanakaw, Pagnanasa”
ni Julietta Singh
aking salin
May dalawa man lamang na paraan upang unawain ang pagsibol ng pagnanasa: una, sa pamamagitan ng saglit, kapag may kung anong nag-iba at ang iyong paraan ng pagkilos at pagtugon, ang iyong paraan ng pagbabali-baligtad ng mga bagay-bagay ay nagtamo ng pansaligang pagbabago. Susunod, sa pamamagitan ng pag-iipon, kung paanong sa haba ng panahon at patuloy na pag-uulit, hinihila tayo ng ating mga kasaysayan sa mga natatanging gawi at paraan ng pagdama at pagnanasa. Ang nais ko ay ang ideya ng arkibo. O, mas tumpak, ang ideya mismo ng kung ano ang maaaring ihain ng isang arkibo. Kahit batid kong itong aking pagnanais para sa arkibo ay mula sa matagal na pag-iipon, hinaharaya ko ito bilang tangi at nag-iisang saglit.
Mag-subscribe sa:
Mga Komento (Atom)