Istorya ito kapwa ng puso at daigdig.
Ang kaibigan ay isang bagay na hinuhulma
Upang may lalapit sa iyo, magpapakumpuni,
kesyo may nadispalko, may batang nabundol, at
bakit mabibilanggo kung hindi ikaw ang rehas?
Minsan ka na ring nanalig sa inyong lingkod,
sa mga taong uukit ng langit mula sa ulap
ayon sa hilatsa ng likod ng minsang kapatid.
Heto ang mga dasal: palad na nakasandig
sa palad, kamay na nakalapat sa sahig
o sa ere, o sariling nakatiklop sa kamay ng
Kaibigan;
tuwing may nagdarasal, may kumakapit sa patalim.
Walang komento:
Mag-post ng isang Komento