Okt 17, 2012

sang malaking tsek

panahon na naman ng checking
ng mefenamic kape ng
                           minatamis na kamatis

ng sandag-
sang salita

                              may tatay sa hardin
may asawa sa mga kumukulong tsupon
mga punit na baraha ngunit

              pinakamaselan ang gradesheet sa kabuuan
ng bahay

                 miss ko na si betel-jol si elisher si
eugenio ang kalbo ang bakal ng linguistics
                            ang aming sir si besa
ang malayong pamantasan kung saan
                                        kung kailan
mas mahusay silang tumawa

sa akin kung naging estudyante ko sila
walang papasa maliban kay nate
na nagkatawang-uno at kagyat
malamang pagka-class-

                 card ibabaon sa limot isa pang mahirap
ngayon ang magpaka-socially relevant
pag ganitong puros papel at

wala man lang bagyo bagamat
may sundalong sumisipol kung saan may
tikatik ng dali-daliring kahera paminsan-minsa'y langitngit
                          ng lingid na besagra sa
                                                               bapor ng tsina

ang madali ay magpataba sa kropek
mangalay ang mata manlabo ang likod
                masigawan ang panganay
                tiklupin ang kumot na nagkukunwaring tent
                almusalin ang mga plagiarist

masiraan ng tiyan ng radiator ng bait bakit
ang guro't estudyante'y dal'wang kal'hati ng
iisang pagpapatiwakal Y/N explain madali
 
           masyadong mapagkapamalang insekto ang mga
pisat na numero magbilang palaktaw at
handogan ng +2
ang estudyanteng socially relevant
               ( a ) dahil may baka sakaling
 
         +1 ( b ) dahil inspirasyon si sionil sa
ngayon hanggang makalagpas
nang konti sa mas malaking eid
                ( c ) dahil mabubuti silang bata so
 
walang karapatan si rizal kahapon na
                  hanapan sila ng hinaharap ikaw
                                       itong inalok itakas sa dapitan tapos
umayaw ( d ) dahil nagpapakasimbolo
 
               ( e ) AOTA

               ( f ) NOTA
 
                        strrawbberrry
 
                     shake shake
    shake dalubhassa shake
shake matulog! kayo! o
magpatulog! kayo! regalo
 
                        ang may sahod  pag lagpas
kalahati ang sabon walang anumang tagas sa
kabila ng di maikukubling mantsa
sa mga di maitapon-tapong kolyar

lalo't may nagpabulanghit ng tawa
      may nahugasan ng puwet may
narating na pagkapantay sa pagmamalupit
at sa gayo'y hindi na labis
                                       maiinggit ang isa sa isa

                   may asawa sa liham sa aklat sa gitna
ng birds of paradise may tatay katapat ng
mantis sa malalapad na bughaw

na bato itong mesa ang panahong
mahirap makaiskor ng basahan ma-
                              hirap painumin ang apoy lubhang napaka-

                                       daling tumula-tula
534 na papel ang biyaya
dalawang bulilit
  walang sayaw
             tatlong fetal

             position equals (makata) function 
                                key magmarunong cubed